മലയാളസിനിമ കണ്ട മികച്ച സുഹൃത്തുക്കൾ ആയിരുന്നു കലാഭവൻ മണിയും ദിലീപും .സിനിമയിലും സിനിമയ്ക്ക് പുറത്തും ഇരുവരും തമ്മിലുള്ള ആത്മബന്ധം വളരെ വലുതായിരുന്നു . മലയാള സിനിമയില്‍ വില്ലനായും സഹനടനായും നായകനായും തകര്‍ത്തഭിനയിച്ച കലാഭവന്‍ മണിയുടെ അകാലത്തിലുള്ള വിയോഗം ദിലീപിനെ ഏറെ തളര്‍ത്തിയിരുന്നു. ഒരിക്കല്‍ കലാഭവന്‍ മണിയുടെ രസകരമായ കമന്റ് കേട്ട് താന്‍ ഒരു സിനിമ ചെയ്യാതെ മാറ്റിവച്ചതിനെക്കുറിച്ചാണ് ദിലീപ് ഇപ്പോൾ വെളിപ്പെടുത്തിയിരിക്കുന്നത് .
പ്രശസ്ത സംവിധായകൻ ലാല്‍ ജോസ് സംവിധാനം ചെയ്ത ചാന്തുപൊട്ട് എന്ന ഹിറ്റ്എന്ന സിനിമയാണത്.ചിത്രത്തിൽ സ്ത്രീയുടെ മാനറിസങ്ങള്‍ ഉള്ള നായകനായാണ് ദിലീപ് പ്രേത്യക്ഷപ്പെടുന്നത്. ആ കാലഘട്ടത്തിൽ ഇത്തരം കഥാപാത്രങ്ങളെ പ്രേക്ഷകര്‍ അംഗീകരിച്ചിരുന്നില്ല കൂടാതെ ഏറെ തെറ്റിദ്ധരിക്കപ്പെട്ട രീതിയിലാണ് കണ്ടിരുന്നതും . അപ്പോഴാണ് ഈ കഥാപാത്രം ചെയ്യാനായി ദിലീപ് മുതിരുന്നത് . 2005 ലാണ് ചാന്തുപൊട്ട് റിലീസ് ചെയ്യുന്നത്. എന്നാല്‍, അതിനേക്കാള്‍ വര്‍ഷങ്ങള്‍ക്ക് മുന്‍പ് തന്നെ ചാന്തുപൊട്ടിന്റെ കഥയെ കുറിച്ച്‌ തനിക്ക് അറിയാമായിരുന്നു എന്നും താൻ അത് ചിത്രത്തിന്റെ സംവിധായകനായ ലാൽജോസിനോടും അടുത്ത കുറച്ചു കൂട്ടുകാരോടും പറഞ്ഞിരുന്നു എന്ന് ദിലീപ് വെളിപ്പെടുത്തുന്നു. പഴയൊരു അഭിമുഖത്തിലാണ് ദിലീപ് ഇക്കാര്യം തുറന്നുപറഞ്ഞത്.”നാദിര്‍ഷയാണ് എന്നോട് വന്ന് ബെന്നി പി.നായരമ്ബലത്തിന്റെ ഒരു നാടകമുണ്ട്, നീ അത് കാണണം, നിനക്ക് അത് ചെയ്യാന്‍ പറ്റും എന്നെല്ലാം പറഞ്ഞത്. ഞാന്‍ ഇക്കാര്യം ലാല്‍ ജോസിനോട് ലാൽജോസിനോട് പറയുകയുണ്ടായി . ഞാനും ലാലുവും ചേര്‍ന്ന് അത് സിനിമയാക്കാമെന്നും തീരുമാനമെടുത്തു . പക്ഷേ, അത് കഴിഞ്ഞ് എട്ട് വര്‍ഷത്തിനു ശേഷമാണ് ഞാന്‍ ആ സിനിമ ചെയ്യുന്നത്. അതിന്റെ കാരണം , ഒരിക്കല്‍ കലാഭവന്‍ മണിയോട് ഞാന്‍ ഈ കഥയെ കുറിച്ച്‌ പറയുകയുണ്ടായി .കഥയുടെ സ്വാഭാവവും പറഞ്ഞു , സ്ത്രീത്വമുള്ള കഥാപാത്രത്തെയാണ് ഞാന്‍ അവതരിപ്പിക്കാൻ പോകുന്നതെന്നും മണിയോട് പറഞ്ഞു. അപ്പോ മണി പെട്ടന്ന് എന്നോട് ചാടിക്കേറി പറഞ്ഞു “അതൊന്നും വേണ്ടാട്ടാ…അതൊക്കെ ചെയ്ത് കഴിഞ്ഞാല്‍ കുട്ടികള്‍ ഉണ്ടാകില്ലാട്ടോ”എന്ന്. അത് എനിക്ക് വലിയ മാനസിക സംഘർഷം ഉണ്ടാക്കി . ഞാന്‍ പിന്നെ ഓരോ കാരണങ്ങള്‍ പറഞ്ഞ് ആ സ്‌ക്രിപ്റ്റ് മാറ്റി വച്ചുകൊണ്ടേയിരുന്നു . പിന്നീട് എനിക്ക് മീനാക്ഷി (മകള്‍) ജനിച്ച ശേഷമാണ് ഞാന്‍ ആ സിനിമ ചെയ്യുന്നത്,’ ദിലീപ് ചിരിച്ചുകൊണ്ട്പറയുന്നു .
