തമിഴ് നടൻ ഫ്ലോറന്റ് സി പെരേര കോവിഡ് ബാധയെ തുടർന്ന് മരിച്ചു

തമിഴ് നടൻ ഫ്ലോറന്റ് സി പെരേര(67) അന്തരിച്ചു.കോവിഡ് ബാധയെ തുടർന്ന്  ചെന്നൈ രാജീവ് ഗാന്ധി ഗവ. ജനറൽ ആശുപത്രിയിലായിരുന്നു മരണം. 2003ൽ വിജയ് നായകനായ പുതിയ ഗീതൈയിലൂടെയാണ് ഫ്ലോറന്റ് സിനിമയിൽ അരങ്ങേറ്റം കാഴ്ചവെച്ചത്.

ധർമധുരൈ, വിഐപി2, രാജ മന്തിരി, തൊടരൈ, മുപ്പരിമനം, കൊടിവീരൻ, എങ്കിട്ട മോതാതേ, സത്രിയൻ, പൊതുവാക എൻ മനസ് തങ്കം, നാഗേഷ് തിരയിരങ്കം, തരാമണി എന്നീ സിനികളിൽ ശ്രദ്ധേയമായ വേഷം ചെയ്തു. സിനിമക്ക് പുറത്ത് കലൈഞ്ജർ ടിവി, വിജയ് ടിവി, വിൻ ടിവി എന്നീ ചാനലുകളിലും സേവനമനുഷ്ഠിച്ചു.പ്രഭു സോളമന്റെ കയൽ (2014) പുറത്തിറങ്ങിയതോടെ, ഇതിലെ അദ്ദേഹത്തിന്റെ വേഷം വളരെ ശ്രദ്ധനേടിയിരുന്നു .

താരത്തിന്റെ വിയോഗത്തിന്റെ ഞെട്ടൽ മാറാതെയാണ് തമിഴ് സിനിമാ ലോകം. സോഷ്യൽ മീഡിയയിലൂടെ സിനിമാ രംഗത്തെ പ്രമുഖർ അദ്ദേഹത്തിന് ആദരാഞ്ജലികൾ നേർന്നു.