നാം പലപ്പോഴും രോഗങ്ങള്‍ക്ക് ചികിത്സ തേടാറുണ്ട്. എന്നാല്‍ പലപ്പോഴും പല രോഗങ്ങള്‍ക്കും മൂല കാരണം മാനസികമായിരിയ്ക്കും. പ്രത്യേകിച്ചും ദമ്പതിമാര്‍ക്കിടയില്‍ ഉണ്ടാകുന്ന പ്രശ്‌നങ്ങള്‍ മാനസികമായി രോഗങ്ങളായി പലപ്പോഴും സ്ത്രീകളില്‍ കൂടുതലായി പ്രത്യക്ഷപ്പെടാറുമുണ്ട്. ഭര്‍ത്താവുമായുണ്ടാകുന്ന പ്രശ്‌നങ്ങള്‍, തന്നെ ഭര്‍ത്താവ് സ്‌നേഹിയ്ക്കുകയോ അംഗീകരിയ്ക്കുകയോ ചെയ്യുന്നില്ലെന്ന തോന്നലുകള്‍ പലപ്പോഴും സ്ത്രീകളില്‍ മാനസിക പ്രശ്‌നങ്ങളും ശാരീരിക പ്രശ്‌നങ്ങളുമായി പ്രത്യക്ഷപ്പെടുന്നു. തന്റെ പുരുഷ പങ്കാളിക്കു തന്നോട് താല്‍പര്യമില്ല തുടങ്ങിയ പരാതികള്‍ കൊണ്ട് വരുന്ന ധാരാളം സ്ത്രീകളുണ്ട്. എന്നാല്‍ ചിലപ്പോഴെങ്കിലും ഇത്തരം പ്രശ്‌നങ്ങള്‍ക്ക് അറിഞ്ഞോ അറിയാതെയോ കാരണമാകുന്നത് സ്ത്രീകളുടെ പുരുഷന്മാരോടുള്ള ചില പെരുമാറ്റ രീതികളാകും, സ്ത്രീകളുടെ ചില സ്വഭാവങ്ങളാകും. തങ്ങള്‍ തമ്മിലുളള പ്രശ്‌നങ്ങള്‍ക്ക് ഇത്തരം കാര്യങ്ങള്‍ പ്രശ്‌നമായി വരുന്നുണ്ടെന്ന് അവര്‍ക്ക് അറിയുകയും ചെയ്യുന്നുണ്ടാകില്ല.പുരുഷന്മാര്‍ക്ക് പിടിയ്ക്കാതെ വരുന്ന സ്ത്രീ സ്വഭാവങ്ങളില്‍ ഒന്നാണ് അയലത്തെ അദ്ദേഹം വര്‍ത്തമാനം. അതായത് മറ്റുളള പുരുഷന്മാരുമായുള്ള താരതമ്യപ്പെടുത്തല്‍.
അദ്ദേഹം അതു ചെയ്യുന്നു, ഇതു ചെയ്യുന്നു, അതു വാങ്ങുന്നു, ഇവിടെ അതൊന്നുമില്ല തുടങ്ങിയ പല കുറ്റപ്പെടുത്തലുകയും താരതമ്യപ്പെടുത്തലുകളും പുരുഷന്മാര്‍ക്ക് താല്‍പര്യമുള്ള സംഗതികളല്ല. മാത്രമല്ല, വേറെയൊരു പുരുഷനുമായി തന്നെ താരതമ്യപ്പെടുത്തിപ്പറയുന്നത് തീരെ ഇഷ്ടപ്പെടാത്തതാണ് പുരുഷ പ്രകൃതം. ഇതു പോലെ തന്നെ ചന്ദ്രേട്ടന്‍ എവിടെയാ മട്ടിലുള്ള അന്വേഷണങ്ങള്‍. എന്തിനും ഏതിനും ആര്, എന്ത്, എവിടെ എന്നിങ്ങനെയുള്ള ചോദ്യങ്ങള്‍ പുരുഷന് ഇഷ്ടപ്പെടില്ല.പുരുഷന് സപ്പോര്‍ട്ട് നല്‍കുന്ന സ്ത്രീയുടെ സ്വഭാവം പുരുഷനെ ആകര്‍ഷിയ്ക്കുന്ന ഒന്നാണ്.
തന്റെ പങ്കാളി തന്റെ പ്രവൃത്തികളില്‍ പിന്‍തുണ നല്‍കുന്നത് ആഗ്രഹിയ്ക്കുന്ന സ്വഭാവമാണ് പുരുഷന്. എന്തെങ്കിലും അഭിപ്രായം പറഞ്ഞാല്‍ എടുത്ത വഴിയ്ക്ക് ഇത് നിഷേധിയ്ക്കാതെ അംഗീകരിയ്ക്കാന്‍ പറ്റാത്തതെങ്കില്‍ കാര്യകാരണ സഹിതം അതു പറഞ്ഞ് മനസിലാക്കിക്കൊടുക്കാന്‍ ശ്രമിയ്ക്കുക. അല്ലാതെ പറഞ്ഞ പാതി പറയാത്ത പാതി നോ പറഞ്ഞു പോകുന്നത് പുരുഷനെ അലോസരപ്പെടുത്തും. കിടപ്പറയിലെ പല സ്ത്രീകളുടേയും സ്വഭാവം പുരുഷന്മാരെ അലോസരപ്പെടുത്തുന്നു. ഇത്തരം ബന്ധത്തില്‍ താല്‍പര്യം കാണിയ്ക്കാത്തവരുണ്ട്. ഇത് വെറുമൊരു ചടങ്ങ് എന്ന രീതിയില്‍ കാണുന്ന സ്ത്രീകളുണ്ട്. എന്നാല്‍ ഇത്തരം സ്ത്രീ സ്വഭാവം പുരുഷന് ഇഷ്ടമല്ല. ചില സ്ത്രീകള്‍ക്ക് ഇത്തരം കാര്യങ്ങളില്‍ താല്‍പര്യമെങ്കിലും താന്‍ മുന്‍കൈ എടുത്താല്‍, ഇത്തരം താല്‍പര്യം കാണിച്ചാല്‍ പുരുഷന് തെററിദ്ധരിച്ചേക്കുമെന്നു കരുതുന്നവരുണ്ട്. എന്നാല്‍ ഇത്തരം കാര്യങ്ങളില്‍ സ്ത്രീ താല്‍പര്യം കാണിയ്ക്കുന്നത് ഇഷ്ടപ്പെടുന്നവരാണ് ഭൂരിഭാഗം പുരുഷന്മാരും.
