കക്ഷി അമ്മിണിപ്പിള്ള കണ്ടവരാരും അതിലെ നായികയെ മറക്കില്ല. കാരണം, അതുവരെ കണ്ടുവന്ന നായികാ സങ്കൽപങ്ങളിൽ നിന്നൊക്കെ മാറി ആയിരുന്നു കക്ഷി അമ്മിണിപ്പിള്ളയിലെ നായിക. ആസിഫ് അലിയെ നായകനാക്കി ദിൻജിത്ത് അയ്യത്താൻ സംവിധാനം ചെയ്ത ചിത്രത്തിൽ പ്ലസ് സൈസ് നായികയായാണ് ഷിബ് ല ഫറ എത്തിയത്. സിനിമയ്ക്ക് വേണ്ടി 68 കിലോയിൽ നിന്ന് 85 കിലോ ആയി ഭാരം വർദ്ധിപ്പിച്ച താരം സിനിമയ്ക്കു ശേഷം 63 കിലോയിലേക്കാണ് മേക്ക് ഓവർ നടത്തിയത്. ഇതെല്ലാം അന്ന് വലിയ ചർച്ചയാകുകയും ചെയ്തിരുന്നു. പിന്നീട് സേഫ് എന്ന ചിത്രത്തിലും താരം അഭിനയിച്ചു. എന്നാൽ, ഷിബ് ലയുടെ പുതിയ ചിത്രങ്ങളാണ് ഇപ്പോൾ സോഷ്യൽ മീഡിയയിൽ വൈറലാകുന്നത്.
കടൽത്തീരത്ത് നിന്ന് പകർത്തിയ ചിത്രങ്ങളിൽ വളരെ മോഡേണായ വസ്ത്രം ധരിച്ചാണ് താരം പ്രത്യക്ഷപ്പെടുന്നത്. ഡെനിം ഷോർട്സിന് ഒപ്പം വൈറ്റ് കാഷ്വൽ ഷർട്ടും ധരിച്ചാണ് താരം പുതിയ ഫോട്ടോകളിൽ പ്രത്യക്ഷപ്പെടുന്നത്. ബീച്ചിന്റെ പശ്ചാത്തലത്തിലുള്ള ഈ ചിത്രങ്ങൾ പകർത്തിയിരിക്കുന്നത് സ്റ്റാൻലി ജോൺസണ ആണ്. ഇടയ്ക്കിടയ്ക്ക് ഷിബ് ല തന്റെ മേക്കോവർ ചിത്രങ്ങൾ സോഷ്യൽ മീഡിയയിൽ പങ്കുവെക്കാറുണ്ട്.
ഓഡിഷനിലൂടെ ആയിരുന്നു ഷിബ് ല സിനിമയിൽ എത്തിയത്. മലപ്പുറം സ്വദേശിയാണ് താരം. നേരത്തെ ഒരിക്കൽ കുട്ടിക്കാലത്ത് താൻ അനുഭവിച്ചിരുന്ന ബോഡി ഷെയ്മിങ്ങിനെക്കുറിച്ച് താരം മനസു തുറന്നിരുന്നു. സോഷ്യൽ മീഡിയയിൽ സജീവമായ താരം ഇടയ്ക്കിടെ ചിത്രങ്ങൾ പങ്കു വെയ്ക്കാറുണ്ട്. കക്ഷി അമ്മിണിപ്പിള്ളയിലെ കാന്തിയെ ഷിബ് ല മനോഹരമാക്കിയിരുന്നു. സമൂഹത്തിൽ നിലനിൽക്കുന്ന ബോഡി ഷെയ്മിങ്ങിന് ചെവി കൊടുക്കാതെ താൻ എന്താണോ അതിൽ സന്തോഷം കണ്ടെത്തുന്ന കഥാപാത്രമായിരുന്നു കാന്തി.
