മോളിവുഡ് സിനിമാ ലോകത്തിലേക്ക് ട്രാന്‍സ്ജെന്‍ഡര്‍ കമ്മ്യൂണിറ്റിയില്‍ നിന്നും അഭിനേതാവും, അതെ പോലെ വളരെ വേറിട്ട മേക്കപ്പ് ആര്‍ട്ടിസ്റ്റുമായി ഉയരം കീഴടക്കിയ നടിയാണ് സീമ വിനീത്. സാമൂഹിക മാധ്യമങ്ങളിൽ വഴി ചില വ്യക്തികൾ തന്നെ വളരെ മോശമായ സമീപനത്തോടെ കാണുന്നത് മനസ്സ് തുറന്നു പറഞ്ഞിരിക്കുകയാണ് സീമ വിനോദ്.തന്റെ ഫേസ്ബുക്ക് കുറിപ്പിലൂടെയാണ് താരം ഈ കാര്യം വ്യക്തമാക്കിയത്.
സീമ വിനീതിന്റെ ഫേസ്ബുക്ക് പോസ്റ്റിന്റെ പൂര്‍ണ്ണരൂപം ഇങ്ങനെ………
“കുറെ ആയി പറയണം പറയണം എന്ന് കരുതിയ കാര്യം ആണ്. എല്ലാരേം കുറിച്ചല്ല, ചിലരെ കുറിച്ച്‌. ചില ആണുങ്ങള്‍ മെസ്സേജ് അയക്കും. അല്ലേല്‍ റിക്വസ്റ്റ് അയക്കും. എന്നിട്ട് മെസ്സേജ് അയക്കും… ന്നിട്ട് ഒട്ടു മിക്ക ആളുകളും ആദ്യം തന്നെ ചേച്ചീ എന്ന് വിളിക്കും. അപ്പൊ ഞാന്‍ തിരിച്ചു എന്തെ അനിയാ എന്ന് അപ്പോള്‍ ഇങ്ങോട്ട് അപ്പളേക്കും നമ്മളെ അനിയന്‍ ആക്കിയോന്ന്.
അല്ല സാധാരണ നമ്മുടെ നാട്ടില്‍ ചേച്ചീന്നു വിളിക്കുന്നെ സഹോദരിമാരെ അല്ലെ, അതുപോലെ ബഹുമാനം കൊടുക്കുന്നോര്‍ക്ക് അല്ലെ അപ്പൊ അതാണല്ലോ നമ്മള്‍ പ്രതീക്ഷിക്കുന്നെ, പക്ഷേ അവര്‍ പ്രതീക്ഷിക്കുന്നത് നമ്മള്‍ തിരിച്ചു പപ്പു എന്ന് വിളിക്കുന്ന രതി ചേച്ചീ ആവും എന്നാണോ? പൊതുസമൂഹത്തില്‍ പൊതുവെ ഒരു ധാരണ ഉണ്ട് ട്രാന്‍ജന്‍ഡേഴ്സ് എന്ന് വെച്ചാല്‍ കാമം പെരുത്തു കഴപ്പ് മൂത്തു നടക്കുന്ന ആളുകള്‍ ആണെന്ന് ഏതു ആണിനെ കണ്ടാലും ഒലിപ്പിച്ചു പുറകെ പോകുന്നോര്‍ ആണെന്നും. ജീവിക്കാന്‍ വേണ്ടി ഇന്നും പലരും തെരുവില്‍ പോകുന്നുണ്ട് എല്ലാരിലും ആ തൊഴില്‍ ചെയ്യുന്നൊരുണ്ട് ആരും മോശക്കാരല്ല പിന്നെ പറയുമ്പോൾ ട്രാന്‍സ്‌ജെന്‍ഡേഴ്സ്. അതൊരിക്കലും ഞാന്‍ മോശമായി പറയില്ല കാരണം
ഒരു പക്ഷെ ഇന്നി കാണുന്ന ഒന്നും ഇല്ലേല്‍ ഞാനും തെരുവിന്റെ മകള്‍ ആയേനെ ഉറ്റൊരും ഉടയോരും കാണുകയും ഇല്ല ഇന്ന് ഈ സ്നേഹിക്കുന്നോര്‍ ആരും ഉണ്ടാവില്ല ആരും ആഗ്രഹിച്ചു കൊണ്ടും കഴപ്പ് കൊണ്ടും പാതിരാത്രി എന്തും സംഭവിച്ചേക്കാവുന്ന നടു തെരുവില്‍ സ്വന്തം ശരീരം വില്‍ക്കാന്‍ നിക്കില്ലല്ലോ അല്ലെ ?
ഓരോ സാഹചര്യം ആണ് മനുഷ്യനെ കൊണ്ടുചെന്ന് എത്തിക്കുന്നത് ഓരോന്നിലും….. ഇത് പറയുമ്ബോള്‍ ചിലര്‍ക്ക് എങ്കിലും തോന്നാം എന്താണ് ഇതേ ചെയ്യാന്‍ ഉള്ളോ വേറെ ജോലി ഒന്നും ചെയ്തു ജീവിച്ചൂടെ എന്ന് ഈ പറയുന്ന നിങ്ങളില്‍ എത്രപേരുണ്ട് ഞങ്ങളെ പോലെ ഉള്ളവര്‍ക്ക് ജോലികൊടുക്കാന്‍ തയ്യാറായിട്ട് …? അതേ എല്ലാരെയും പോലെ തന്നെയാണ് ട്രാന്‍സ്‌ജെന്‍ഡേഴ്സും ആണിനെയും പെണ്ണിനേയും പോലെ അല്ലാതെ മൂത്തു കഴച്ചു മുട്ടി നടക്കുന്നോന്നും ഇല്ല…. പിന്നെ ആണിലും പെണ്ണിലും മോശക്കാരില്ലേ അതുപോലെ ഞങ്ങള്‍ക്കിടയിലും ഉള്ളു”
