സാമൂഹിക മാധ്യമത്തിൽ സാധിക വേണുഗോപാലിന്റെ പേരിലുള്ള വ്യാജ അകൗണ്ടുകള്‍ വഴി കബളിപ്പിക്കലും പണംതട്ടലും നടക്കുന്നുവെന്ന് വെളിപ്പെടുത്തലുമായി സാധിക തന്നെ രംഗത്ത് സിനിമയിൽ അവസരം ല്‍കാമെന്ന് പറഞ്ഞും കബളിപ്പിക്കല്‍ നടക്കുന്നുണ്ടെന്ന് സാധിക വ്യക്തമാക്കുന്നു. തന്‍റെ പേരിലുള്ള വ്യാജ അകൗണ്ടുകള്‍ വഴിയുള്ള തട്ടിപ്പുകള്‍ക്ക് താന്‍ ഒരിക്കലും ഉത്തരവാദി ആയിരിക്കില്ലെന്നും അവര്‍ മുന്നറിയിപ്പ് നല്‍കുന്നു. ഇങ്ങനെയുള്ള പ്രവര്‍ത്തനങ്ങള്‍ ശ്രദ്ധയില്‍ പെട്ടാല്‍ അറിയിക്കണമെന്നും താരം വ്യക്തമാക്കി.
സാധിക വേണുഗോപാലിന്റെ കുറിപ്പിന്റെ പൂർണ രൂപം ഇങ്ങനെ….
നിങ്ങളുടെ ശ്രദ്ധയിലേക്ക്, സോഷ്യല്‍ മീഡിയയിലെ ഫേസ്ബുക്, ഇന്‍സ്റ്റഗ്രാം എന്നീ പ്ലാറ്റ്ഫോമുകളില്‍ അല്ലാതെ മറ്റൊരു ആപിലോ പ്ലാറ്റ്ഫോമിലോ ഞാന്‍ അംഗമല്ല എന്നിരിക്കെ, അത്തരം പ്ലാറ്റ്ഫോമുകളില്‍ ഞാന്‍ ആണെന്ന് നിങ്ങളെ തെറ്റിദ്ധരിപ്പിച്ച്‌ ആരെങ്കിലും ചാറ്റ് ചെയ്യുന്നുണ്ടെങ്കില്‍ അതിന്‍റെ പൂര്‍ണ ഉത്തരവാദിത്തം നിങ്ങള്‍ക്കു മാത്രം ആയിരിക്കും എന്ന് അറിയിച്ചു കൊള്ളുന്നു. പലരും എന്റെ ഫോടോ ഉപയോഗിച്ച്‌ ഫേക് അകൗണ്ടുകള്‍ തുറന്ന്, പണം ഉണ്ടാക്കുന്നതായും, ചാന്‍സ് നല്‍കാമെന്നും മറ്റും പറഞ്ഞ് പലരെയും ഉപയോഗിക്കുന്നതായും പലപ്പോഴും അറിയാന്‍ സാധിച്ചിട്ടുണ്ട്. അതില്‍ പലതും സൈബര്‍ സെല്ലില്‍ റിപോര്‍ട് ചെയ്തിട്ടുള്ളതും ആണ്. എന്റെ പ്രൊഫൈല്‍ ഞാന്‍ ഉപയോഗിക്കുന്നത് എന്റെ പ്രൊമോഷന്‍സിനും എനിക്ക് ജനങ്ങളുമായി പങ്കുവെക്കാനുള്ള ആശയങ്ങള്‍ക്കും എന്നെ ഇഷ്ടപെടുന്ന സമൂഹവുമായുള്ള ആശയ വിനിമയത്തിനും ആണ്.ഞാന്‍ ഒരാള്‍ക്കും അങ്ങോട്ട്‌ മെസേജ് അയക്കുകയോ വിളിക്കുകയോ ചാന്‍സ് ഓഫര്‍ ചെയ്യുകയോ പണം ചോദിക്കുകയോ ആരെയും ഫോളോ ചെയ്യുകയോ ഒന്നും ചെയ്യില്ല എന്നിരിക്കെ എന്റെ പേരില്‍ ആരെങ്കിലും അത്തരം കാര്യങ്ങള്‍ ചെയ്താല്‍ അത് നിങ്ങള്‍ക്ക് റിപോര്‍ട് ചെയ്യാവുന്നതാണ്.
പല ഡേറ്റ്, ദേസി അപ്ലികേഷനുകളിലും എന്റെ ഫോടോയും പ്രൊഫൈലും ഒക്കെ കാണാന്‍ ഇടയായിട്ടുണ്ട്. അതില്‍ വിശ്വസിച്ച്‌ ചെന്നു ചാടി സ്വന്തം ജീവിതം ഇല്ലാതാക്കരുത് എന്നും അപേക്ഷിക്കുന്നു. അങ്ങനെ എന്തെങ്കിലും ഉണ്ടായാല്‍ അതില്‍ ഞാന്‍ ഉത്തരവാദി ആയിരിക്കില്ല. ഓരോ സൈറ്റും തേടി കണ്ടുപിടിച്ച്‌ ഇതെല്ലാം റിമൂവ് ചെയ്യിക്കുന്നത് എനിക്ക് എളുപ്പമുള്ള കാര്യമല്ല എന്നിരിക്കെ നിങ്ങളുടെ സുരക്ഷ നിങ്ങളുടെ ഉത്തരവാദിത്തം ആയിരിക്കും. സെലിബ്രിറ്റികളുടെ മാത്രമല്ല പല പെണ്‍കുട്ടികളുടെയും വീട്ടമ്മമാരുടെയും ചിത്രങ്ങള്‍ ഇത്തരത്തില്‍ ദുരുപയോഗം ചെയ്യപ്പെടുന്നുണ്ട്. പലരുമായും സംസാരിക്കുമ്ബോള്‍ അറിയാന്‍ സാധിക്കുന്നത് പെണ്ണിന്‍റെ ഫോടോ കണ്ടാലേ ഫോളോവേഴ്സ് ഉണ്ടാകൂ, അതിനു വേണ്ടി ആണ് ഇത് എന്നാണ്. നിങ്ങള്‍ക്കും അമ്മയും പെങ്ങന്മാരും ഉള്ളതല്ലേ? അതെന്താ അപ്പുറത്തെ വീട്ടിലെ പെണ്ണിന് മാനം ഇല്ല്യേ? എല്ലാവരും മനുഷ്യര്‍ ആണ് സഹോ. എന്റെ പേരിലുള്ള വെരിഫികേഷന്‍ ഇല്ലാത്ത ഏതെങ്കിലും അകൗണ്ടില്‍ നിന്നോ ഫാന്‍ പേജില്‍ നിന്നോ എന്തെങ്കിലും തെറ്റായ സന്ദേശങ്ങള്‍ ലഭിക്കുന്നപക്ഷം ദയവായി എന്നെ അറിയിക്കുക.
