വിജയ് സേതുപതിയുടെ നീണ്ട കലമായി റിലീസിന് കാത്തിരിക്കുന്ന ചിത്രത്തിന്റെ പുതിയ പോസ്റ്റര്‍ പുറത്തിറങ്ങി. ചിത്രം ഡിജിറ്റല്‍ പ്ലാറ്റ്‌ഫോമായ സീ5ല്‍ (Zee5) ലൂടെയാണ് പ്രദര്‍ശനത്തിന് എത്തുന്നത്. യഥാര്‍ത്ഥ സംഭവങ്ങളെ അടിസ്ഥാനമാക്കിയുള്ള ഈ ചിത്രം ഭരണവര്‍ഗത്തെയും രാഷ്ട്രീയത്തെയും കുറിച്ച്‌ ചർച്ചചെയ്യുന്നു. പി.വിരുമാണ്ടിയാണ് ഈ ചിത്രം സംവിധാനവും തിരകഥയും ചെയ്തിരിക്കുന്നത് .
ഐശ്വര്യ രാജേഷ് ആണ് കാ പേ രണസിംഗയിൽ നായികവേഷത്തിൽ എത്തുന്നത്. കെ‌ജെ‌ആര്‍ സ്റ്റുഡിയോയാണ് ഈ ചിത്രം നിര്‍മ്മിച്ചത് . രംഗരാജ് പാണ്ഡെ, അഭിഷേക്, അരുണ്‍രാജ കാമരാജ് എന്നിവരും ഈ ചിത്രത്തിൽ പ്രധാന കഥാപാത്രങ്ങളിൽ എത്തുന്നു. സംഗീതജ്ഞന്‍ ജിബ്രാന്‍, ഛായാഗ്രാഹകന്‍ എന്‍ കെ ഏകാംബരം, പത്രാധിപര്‍ ശിവാനന്ദീശ്വരന്‍ എന്നിവരടങ്ങുന്നതാണ് കാ പേ രണസിംഗത്തിന്റെ സാങ്കേതിക സംഘം. ഈ ചിത്രം ഒക്ടോബർ 2ന് ഡിജിറ്റല്‍ പ്ലാറ്റ്‌ഫോമിൽ പ്രദര്‍ശനത്തിന് എത്തുമെന്നാണ് പ്രസ്‌താവ നകൾ.
ഭൂമിയെ ചുറ്റിപ്പറ്റിയുള്ള രാഷ്ട്രീയത്തെയും കർഷകരുടെ അവസ്ഥയെയും കുറിച്ചാണ് കഥ. ഭൂമി കൈവശപ്പെടുത്തിയ വ്യവസായങ്ങൾക്കെതിരായ പോരാട്ടത്തിൽ പാവപ്പെട്ട കർഷകരെ വിജയ് സേതുപതി സഹായിക്കുന്നതാണ് ഈ സിനിമയുടെ പശ്ചാത്തലം. ഐശ്വര്യ രാജേഷ് അവസാനമായി അഭിനയിച്ചത് വിജയ് ദേവേരക്കൊണ്ടയുടെ തെലുങ്ക് ചിത്രമായ വേള്‍ഡ് ഫേമസ് ലവറിലാണ്. അശോക് സെല്‍വന്‍, റിതിക സിംഗ് എന്നിവര്‍ അഭിനയിച്ച ഓ മൈ കടവുളെയില്‍ അതിഥി വേഷത്തിലാണ് വിജയ് സേതുപതിയെ അവസാനമായി അഭിനയിച്ചത്.
